Gert Gjinarari, i dënuar me burgim të përjetshëm për vrasjen e Naim Zyberit, ngjarje kjo e ndodhur në vitin 1997 në Itali, i cili ka përfituar më herët lirimin me kusht nga Gjykata e Korçës është arrestuar në Blegjikë. Ai ishte dënuar me burgim të përjetshmë nga Gjykata për Krimet e Rënda të Milanos në Itali në vitin 1999.
Ai u akuzua për veprat penale të “vrasjes me paramendim në rrethana rënduese në dy raste”, “mbajtjes së armëve luftarake”, “prodhimi dhe shitja e lendeve narkotike në formën e organizimit e drejtimit të kësaj veprimtarie” dhe “kryerje e krimeve nga banda e armatosur”. Ky vendim mori formë të prerë në vitin 2001.
Si ndodhi vrasja?
Në gusht të vitit 1997 në një spital të Milanos u ekzekutua me armë zjarri Naim Zyberi. Në atë kohë u tha nga policia se autorët e vrasjes së tij ishin Arben Grori dhe shoku i tij, Gert Gjenerali dhe një person tjetër të cilët të veshur si infermierë dhe i bënë një vizitë në spital Zyberit, ku aty e vranë.
U raportua në atë kohë se vrasja e Zyberit kishte lidhje me histori të vjetra hakmarrjesh, të cilat zanafillën e kishin në Tiranë, ku “bandat” e të fortëve kishin pasur përplasje të shumta mes tyre. Duhet të themi se në fillim të viteve ’90, Naim Zyberi njihej si një nga të fortët e kryeqytetit, rival i fortë i një tjetër emri të njohur në Tiranë gjatë atyre viteve, Gaz Muça.
