Nuk zhgënjejnë pritshmëritë dy vendet organizatore, në nisje të xhiros së dytë të ndeshjeve në grupe. Meksika është bërë skuadra e parë e kualifikuar në 1/16 e Botërorit 2026 pas fitores me Korenë e Jugut. Rikthehet fuqishëm Kanadaja, pas barazimit në debutim, shkatërroi 6-0 Katarin, falë tregolëshit të David.
Goleadë e Kanadasë, tripletë e David
Kanadaja mposhti 6-0 Katarin në një ndeshje të Grupit B të Botërorit 2026, e luajtur në Vancouver. Golat e amerikanoveriorëve u shënuan nga Larin në minutën e 16-të, nga Jonathan David në minutat 28, 45+3 dhe 90+1, nga Saliba në minutën e 63-të dhe nga Shaffelburg në minutën e 74-t. Dëmtim i rëndë për mesfushorin kanadez të Sassuolos, Ismael Kone, i cili u largua nga fusha me barrelë. Katari e mbylli ndeshjen me nëntë lojtarë pas dy kartonëve të kuq.
Meksika, skuadra e parë e kualifikuar
Duke mposhtur 1-0 Korenë e Jugut në një ndeshje të Grupit A, Meksika siguroi kalimin në 1/16-at e finaleve të Botërorit 2026. E luajtur në Guadalajara, ndeshja u vendos nga një gol i Luis Romos në minutën e 49-të, i cili përfitoi nga një pasiguri e portierit koreanojugor Kim Seung-Gyu.
