Që kryeministri Edi Rama nuk duron dot asnjë kritikë kjo dihet prej vitesh. Tashmë ato e shqetësojnë edhe në rrjetet sociale. Ndaj këtë të diel Rama vendosi t’i mbyllë fare ato.
Në një video që publikoi nga vila e qeveritare pushimeve në Dhërmi, Rama mburri koncertin e Kanye West të mbajtur në Tiranë me 4 milionë euro të taksapaguesve shqiptarë.
Një aktivitet privat që qeveria vendosi ta sponsorizojë vetëm për të tentuar të shuajë zhurmën e protestave. Rama e quajti këtë një “koncert magjik”, por nuk pranoi të dëgjojë asnjë fjalë të keqe.
Në fillim i mbylli fare komentet ndërsa më pas lejoi vetëm ato që vinin nga profilet false të hapura pas urdhrit të Arbian Maznikut dhe që duartrokisnin liderin.
U lejuan edhe komentet e atyre që kishin shkuar me bileta falas të shpërndara në administratë që shkruanin: “Koncerte të tilla tregojnë se Tirana është metropol europian” dhe “Ishte madheshtore”. ©LAPSI.al
