Një vatër zjarri e shpërthyer në masivin pyjor të Peshtanit në Fier është vënë nën kontroll dhe është neutralizuar pas një ndërhyrjeje të menjëhershme të forcave zjarrfikëse.
Përballja e shpejtë e strukturave të emergjencave civile, e ndihmuar edhe nga banorët e zonës, bëri të mundur izolimin e flakëve në kohë rekord, duke shmangur kështu përhapjen e mëtejshme të zjarrit në sipërfaqe të tjera pyjore.
Sipas bilancit paraprak nga terreni, nga flakët është djegur një kasolle e braktisur si dhe një sipërfaqe prej rreth 7 dynymësh me shkurre e kullota. Aktualisht, grupet e zjarrfikësve po vijojnë monitorimin e imtësishëm të të gjithë perimetrit të prekur për të garantuar fikjen e plotë të vatrës dhe për të parandaluar çdo riaktivizim të mundshëm të flakëve nga era.
