Deputeti ukrainas Oleksiy Goncharenko ka reaguar ndaj deklaratës së presidentit Volodymyr Zelensky në Beograd, ku ky i fundit rikonfirmoi qëndrimin e Ukrainës për të mos ndryshuar pozicionin e saj lidhur me Kosovën.
Goncharenko, i cili ka iniciuar në Parlamentin ukrainas projektligjin për njohjen e pavarësisë së Kosovës, e ka cilësuar deklaratën e Zelenskyt si një “gabim diplomatik”.
Në reagimin e tij në rrjetin social X, deputeti ukrainas ka publikuar edhe një fotografi ku shihet heqja e sloganit “Free Ukraine” nga “Hotel Grand” në Prishtinë.
Goncharenko thekson se mbështetja për pavarësinë e Kosovës ekziston te ukrainasit dhe shprehet se do të vijojë përpjekjet për njohjen e saj nga Ukraina.
“Ukrainasit mbështesin pavarësinë e Kosovës dhe besojmë se Ukraina duhet ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë”, shkroi ai.
This is a diplomatic blunder.
— Oleksiy Goncharenko (@GoncharenkoUa) August 9, 2026
The Ukrainians support the independence of Kosovo and we believe that Ukraine MUST recognise the state.
I'll continue fighting for the independence of Kosovo and eventually Ukraine will recognise it. pic.twitter.com/hkGtO5WzVl
