Një zjarr ka përfshirë një banesë në katin e parë të një pallati në qytetin e ri të Bulqizës, duke shkaktuar panik mes banorëve. Në apartament ndodhej një person me aftësi të kufizuara, i cili u nxor në kohë nga fqinjët.
Zjarrfikësit ndërhynë dhe arritën të shuajnë flakët, por pjesa më e madhe e sendeve brenda banesës u dëmtuan. Mes objekteve të djegura shiheshin edhe patericat e të riut. Paraprakisht dyshohet se zjarri mund të jetë shkaktuar nga një problem me energjinë elektrike. Policia po heton për të përcaktuar shkakun e saktë.
