Mungonin vetëm yjet e Belgjikës dhe ja ku janë. Në ndeshjen e tretë të Grupit G të Botërorit, skuadra e Garcias mposhti me rezultatin 5-1 Zelandën e Re në Vankuver dhe u kualifikua në vendin e parë falë barazimit mes Egjiptit dhe Iranit, por mbi të gjitha falë golavarazhit. Trossard zhbllokoi sfidën në pjesën e parë dhe realizoi edhe dopietën personale në fillimin e pjesës së dytë, më pas shpërthyen De Bruyne dhe Lukaku, që çuan shifrat në poker (në mes goli i Zelandës së Re nga Just), përpara vulës përfundimtare të lojtarit të Milanit, Saelemaekers.
EGJIPT-IRAN 1-1
Egjipti barazoi 1-1 ndaj Iranit në ndeshjen e tretë të Grupit G dhe kaloi në fazën e 1/16-ve si i dyti pas Belgjikës, që fitoi 5-1 ndaj Zelandës së Re dhe e mbylli grupin në vendin e parë falë golavarazhit. Në raundin e ardhshëm, “Faraonët” do të përballen me Australinë. Për Iranin mbetet shpresa për të qëndruar në garë si një nga tetë vendet e treta më të mira të Botërorit. Egjipti kaloi në avantazh pas 5 minutash me Mahmoud Saber. Irani pati menjëherë mundësinë për të barazuar, por Taremi pa penalltinë e tij të pritur nga portieri kundërshtar Shoiber. Në minutën e 14' erdhi goli i barazimit 1-1 me autor Ramin Rezaeian, i cili e dërgoi topin në rrjetë pas një pritjeje të Shoiber. Fundi ishte i zjarrtë: Khalilzadeh shënoi për Iranin në kohën shtesë, por goli u anulua pas rishikimit në VAR për pozicion jashtë loje, ndërsa Ezatolahi goditi traversën me kokë. Për Egjiptin alarm për Salah, i cili u detyrua të largohej nga fusha në minutën e 56' për shkak të një problemi në kofshën e djathtë.
