Rrjeti prestigjioz britanik i lajmeve BBC i ka kushtuar sërish një hapësirë të veçantë asaj që po ndodh në Shqipëri me protestat dhe me reagimet që kanë shoqëruar ndërtimin e një resorti luksoz nga familja Trump në bregdetin e jugut.
Emisioni “The Global Story” është ndalur për të treguar se si në rrugët e Tiranës, kryeqytetit të vendit mijëra njerëz kanë dalë të protestojnë.
“Shënjestër e protestave nuk janë vetëm qeveria, por edhe vajza e Donald Trump, Ivanka, dhe bashkëshorti i saj, Jared Kushner.
Çifti ka punuar në një projekt të ri turistik luksoz me vlerë shumë miliarda dollarë, i cili do të shohë një pjesë të bregdetit të paprekur të Shqipërisë të shndërrohet në hotele dhe vila luksoze, duke shkaktuar atë që disa e kanë quajtur "Revolucioni i Flamingove", për shkak të rrezikut për popullatën lokale të flamingove” – shkruan BBC.
BBC ka transmetuar një intervistë me Emily Wither, gazetaren që ka realizuar dokumentarin "Shqipëria: Tokë, Para dhe Det" dhe që ka në fokus atë pjesë të vijës bregdetare shqiptare që është është bërë fushëbeteja më e fundit në ambiciet globale të biznesit të familjes Trump. ©LAPSI.al
