Aktorja e njohur Anne Hathaway ka zbuluar se ka jetuar në heshtje me një problem serioz shëndetësor për rreth 10 vite.
Aktorja tha se për një dekadë ajo ka pasur shikim të dëmtuar rëndë për shkak të një katarakti të hershëm, i cili e kishte bërë praktikisht “të verbër ligjërisht” në syrin e majtë.
“Kjo ndikoi aq shumë në shikimin tim, saqë isha pothuajse e verbër në syrin e majtë dhe në fund iu nënshtrova një operacioni,” u shpreh ajo.
Katarakti përshkruhet si një turbullim i lentes së syrit dhe mund të shkaktojë shikim të mjegullt, zbehje të ngjyrave dhe ndjeshmëri ndaj dritës.
Aktorja tregoi se nuk e kishte kuptuar sa serioze ishte gjendja e saj derisa iu rikthye shikimi i plotë pas ndërhyrjes kirurgjikale.
“Nuk e kuptova sa keq ishte bërë situata derisa munda të shihja përsëri të gjitha ngjyrat,” shtoi ajo.
