Chrissy Teigen u bë një nga momentet më të komentuara të tapetit të kuq në American Music Awards 2026, pas një incidenti të vogël me veshjen gjatë mbërritjes në MGM Grand Garden Arena në Las Vegas.
Modelja dhe ylli i “Sports Illustrated”, 40 vjeç, u shfaq me një fustan të gjatë portokalli me detaje me rruaza dhe taka ari, por gjatë pozimit për fotografi pësoi një incident të papritur.
Teksa pozonte krah bashkëshortit të saj, këngëtarit John Legend, modeles i ngeci taka në fundin e fustanit. Legend dhe një tjetër person në tapet u përpoqën ta ndihmonin të zgjidhte situatën, por gjatë tërheqjes u shkëputën disa rruaza, të cilat ranë në tokë.
Megjithatë, Teigen e kaloi momentin me të qeshura dhe vazhdoi të pozojë e buzëqeshur për kamerat, krah Legend, i cili ishte i veshur me kostum në nuanca bezhë dhe pallto të gjatë.
Incidenti i vogël nuk ndikoi në pjesën tjetër të paraqitjes së saj, ndërsa Teigen tërhoqi gjithashtu vëmendje me modelin e ri të flokëve bob me balluke, të cilin e kishte prezantuar më herët gjatë vitit.
Në këtë edicion të AMAs, John Legend ishte gjithashtu i pranishëm si prezantues, ndërsa në skenë u ngjitën një sërë emrash të njohur si Jason Derulo, Ludacris, Paula Abdul, Nikki Glaser dhe të tjerë.
