Një aksident rrugor është regjistruar gjatë natës së kaluar në zonën e ish-Kënetës, ku një motorr me dy persona ka dalë nga rruga dhe ka përfunduar në një kanal. Si pasojë e aksidentit, njëri nga personat që ndodhej në motorr ka mbetur i plagosur dhe është transportuar në spital, ku ka marrë ndihmën e nevojshme mjekësore.
Ngjarja ka ndodhur në rrugën “Vala e Detit”. Sipas banorëve të zonës, aksidente të tilla ndodhin shpesh në këtë segment dhe në rrugët pranë kanalit kryesor, për shkak të mungesës së ndriçimit publik dhe sinjalistikës rrugore, probleme që prej vitesh mbeten shqetësim për komunitetin.
