Një aksident fatal ka ndodhur në orët e para të mëngjesit në Lushnje. Bëhet me dije se një mjet tip Benz që po lëviste me shpejtësi të lartë ka goditur bordurën e rrethrrotullimit dhe më pas është përplasur me shtyllën e ndriçimit dhe ka përfunduar dhjetëra metra larg.
Si pasojë e përplasjes ka humbur jetën në vendngjarje 43 vjeçari Ernis Xhumari. Në vendin e aksidentit kanë mbërritur shërbimet e Policisë Rrugore, të cilat kanë kryer veprimet procedurale dhe po punojnë për të zbardhur shkaqet e plota të ngjarjes. Po ashtu edhe forcat zjarrfikëse kanë ndërhyrë për pastrimin e rrugës nga mbetjet e automjetit të dëmtuar rëndë.
