Alarm te PSV, një lojtar ka tuberkuloz: “Zbatuam protokollet, rrezik infektimi”

Alarm i kuq në dhomat e zhveshjes së PSV Eindhoven pasi, të hënën më 24 mars, klubi holandez konfirmoi publikisht një rast të tuberkulozit brenda ekipit. Lojtari i prekur, i cili nuk është identifikuar për arsye privatësie, ka shkaktuar shqetësim të madh brenda klubit, edhe pse PSV ka theksuar se “rreziku i përhapjes së sëmundjes mbetet i kufizuar”.

Deklarata e PSV: “Protokollet janë ndjekur dhe zbatuar”

Në një komunikatë zyrtare të publikuar më 24 mars, PSV Eindhoven konfirmoi se një prej lojtarëve të tij është prekur nga tuberkulozi, një sëmundje kryesisht pulmonare, e shkaktuar nga bakteria Mycobacterium tuberculosis, e cila mund të përhapet lehtësisht përmes ajrit, përmes kollitjes ose teshtimës. “Rasti u raportua menjëherë tek GGD Brabant-Zuidoost” (shërbimi kombëtar i shëndetësisë në Holandë), tha klubi. “Pneumologu që po ndjek lojtarin, stafi mjekësor i PSV dhe GGD kanë marrë menjëherë të gjitha masat e nevojshme. Këto përfshijnë hetimin e burimit të infeksionit, gjurmimin e kontakteve dhe informimin e personave të prekur. Në bashkëpunim me GGD, do të vazhdojmë të ndjekim dhe zbatojmë protokollet standarde. Deri më tani, nuk ka asnjë indikacion që ndonjë person tjetër në kontakt të drejtpërdrejtë me lojtarin e infektuar të jetë prekur nga sëmundja”.

Actieve tuberculose vastgesteld in PSV-selectie Bij één van de spelers van PSV 1 is actieve tuberculose vastgesteld. Hoewel de kans op verdere besmettingen klein is, wordt de situatie volgens de standaard protocollen van de GGD nauwlettend gemonitord.

— PSV (@PSV) March 24, 2025

Kush është lojtari i PSV i prekur nga tuberkulozi?

Klubi nuk e ka bërë publik emrin e lojtarit, duke theksuar të drejtën e tij për privatësi: “Sapo të kemi informacione të reja, do t’i ndajmë përmes rrjeteve tona sociale”, u tha në komunikatën e klubit. Megjithatë, media holandeze raporton se bëhet fjalë për Lucas Perez, ish-sulmuesin e Arsenalit, West Ham dhe PAOK Selanik, i cili iu bashkua PSV Eindhoven vetëm një muaj më parë. Më 23 shkurt, ai nënshkroi si lojtar i lirë për të ndihmuar ekipin e trajnerit Peter Bosz, që në Champions League kishte eliminuar Juventusin e Thiago Mottës.

Çfarë ndodh me lojtarin e sëmurë? Sezoni i tij ka përfunduar

Është e sigurt që lojtari i diagnostikuar me tuberkuloz nuk do të mund të luajë më këtë sezon. Protokolli mjekësor parashikon një periudhë të parë izolimi prej të paktën 3-4 javësh, e cila mund të zgjatet në varësi të ecurisë së sëmundjes. Pas kësaj, do të fillojë trajtim me antibiotikë, i cili ka një ndikim të rëndësishëm në gjendjen fizike të lojtarit. Edhe pasi të shërohet, ai do të ketë nevojë për kohë shtesë për t’u rikuperuar plotësisht para se të rikthehet në fushë.