Një vatër zjarri është regjistruar në fshatin Greps, në afërsi të Mukjes, në Njësinë Administrative Nikël.
Pas sinjalizimit për flakët, në vendngjarje kanë ndërhyrë forcat zjarrfikëse nga Kruja dhe Tirana, të cilat po punojnë për lokalizimin dhe vënien nën kontroll të zjarrit.
Situata paraqitet e vështirë, pasi flakët po favorizohen nga era, duke përshpejtuar përhapjen e zjarrit në sipërfaqe me pyje dhe shkurre.
Raportohet se zjarri ka përfshirë hektarë të tëra me bimësi, ndërsa ekipet zjarrfikëse vijojnë operacionin në terren për të parandaluar përhapjen e mëtejshme të flakëve.
Deri më tani nuk raportohet për persona të lënduar, ndërsa ndërhyrja vijon për izolimin e vatrës.
