Çmimi i naftës në tregjet ndërkombëtare ka rënë në nivelin më të ulët të gati dy muajve. Një fuçi nafte e papërpunuar Brent po tregtohet nën 90 dollarë. Rënia e fundit e çmimit e çoi Brent në 88.17 dollarë për fuçi, niveli më i ulët që prej 17 prillit.
Analistët e lidhin këtë zhvillim me përparimin e bisedimeve për paqe, të cilat kanë zbutur shqetësimet e tregjeve për furnizimin me naftë. Pavarësisht rënies së ndjeshme, çmimi mbetet dukshëm më i lartë se niveli para nisjes së konfliktit, kur një fuçi Brent tregtohej rreth 72 dollarë. Ky nivel është gjithashtu mbi mesataren e regjistruar gjatë vitit 2025.
