Mediat zvicerane i kanë kushtuar vëmendje rastit të 2 oficereve të policisë së qytetit të Cyrihut që janë përfshirë në një marrëdhënie seksuale me një shqiptaro-zviceran, i cili kishte qenë i dënuar më herët për përdhunime të shumëfishta.
Sipas të njëjtave burime njëra nga gratë i dha 35-vjeçarit akses në sistemin policor të Polisit. Për këtë ajo u dënua me urdhër penal në muajin prill. Për këtë humbi punën dhe burrin e saj. Ndërsa policja e dytë dyshohet për shkelje të sekretit zyrtar.
Të dyja gratë nuk punojnë më për policinë e qytetit të Cyrihut.
Sipas mediave zvicerane shqiptaro-zvicerani kishte arritur të joshte policet me festat në varka apo duke ngarë Ferrarin e tij. Ai e paraqiste veten në mediat sociale si një sipërmarrës i suksesshëm në biznes. Thuhet se 35-vjeçari kishte vepruar dikur si krahu i djathtë i një bosi droge, duke siguruar makina të shtrenjta dhe pushime luksoze. Ai kishte dënime të shumta të mëparshme, duke përfshirë përdhunime të shumta, vepra penale të lidhura me drogën dhe gjoba në trafik. Sipas hetuesve ai konsiderohej me lidhje me botën më të rëndë kriminale.
Ai joshi një punonjëse tjetër të policisë së qytetit të Cyrihut dhe tani është në një lidhje me të. Sipas mediave, një hetim penal është duke u zhvilluar ndaj polices me dyshimin për shkelje të sekretit zyrtar. ©LAPSI.al
