Një 69-vjeçar ka humbur jetën mbrëmjen e së enjtes në Roskovec, pas një konflikti mes djalit të tij dhe një komshiu.Ngjarja ndodhi rreth orës 20:00, në lagjen Vrapaj.
Sipas policisë, konflikti nisi për një turë drush dhe më pas degradoi në përplasje fizike. Viktima, Baftjar Vrapi, ndodhej në banesë me bashkëshorten. Pasi mori vesh për konfliktin, ai tentoi të dilte jashtë për të ndërhyrë, por u ndje keq dhe u rrëzua. 69-vjeçari u dërgua me urgjencë në Qendrën Shëndetësore të Roskovecit, ku mjekët konstatuan vdekjen. Paraprakisht dyshohet se shkak ka qenë një infarkt. Policia po merr në pyetje personat e përfshirë dhe po punon për të zbardhur dinamikën e plotë të ngjarjes.
