Në përpjekjen e dëshpëruar për të argumentuar se protesta 20 ditore po pengon një investim të madh prej 4 miliardë USD në Zvërnec që do krijojë 10 mijë vende pune Edi Rama dhe ministrat e tij ko rrëshkasin nga gafa në gafë.
Ministrja e Ekonomisë, Delina Ibrahimi tha këtë të premte se kjo vlerë i përkiste projektit fillestar i cili nuk ishte aprovuar. Pra ajo iu shmang kështu pikpyetjes se si mund të flitet për shifra kur nga ana tjetër pretendohet se nuk ka një projekt. Kur flet për mrekullinë që do të ndodhë qeveria sillet sikur projekti ekziston, ndërsa kur përballet me rreziqet që ngrenë ata që protestojnë Rama thotë se nuk ka projekt.
“4 mld euro ka qenë një projekt që është dorëzuar më parë, dhe nuk është miratuar nga Këshilli Kombëtar i Territorit dhe Ujit, sepse nuk plotësonte standardet për çështjet e intensitetit të ndërtimit, të ndikimit të mjedisit. Vendimit e KKT-së janë bërë tarsparente bashkë me arsyet e rrëzimit. Nuk e dimë se sa do të jenë vlera e projektit që do të vijë për miratim”, tha Delina Ibrahimi para gazetarëve.
Dhe po të shtosh këtu edhe faktin se institucionet e shtetit janë në kontradiktë me njëra tjetrën pasi Agjencia e Zhvillimit të Territorit, ka deklaryuar se projekti u miratua me firmën e Ramës vitin e shkuar, por më pas u tërhoq nga kompania, konfuzioni bëhet edhe më i madh. Askush nuk di në ka projekt apo jo e aq më pak se sa kushton ai.
Lapsi.al
