Një hetim për çështje droge i kryer nga Zyra e Prokurorit Publik të Bakırköy në Turqi, i cili kishte vënë në shënjestër personazhe të famshëm, ka zbuluar rezultatet e testeve të aktorëve të njohur Afra Saraçoğlu dhe Aras Bulut İynemli. Sipas mediave turke, në mostrën e flokëve të Saraçoğlu u gjetën gjurmë kokainë ndërsa rezultati i testit të İynemli ishte negativ.
Saraçoğlu u ndalua në Aeroportin e Stambollit pas kthimit të saj nga Franca më 21 shtator, ndërsa Aras Bulut İynemli u lirua pasi u morën mostrat. Kompania e saj e menaxhimit njoftoi se Saraçoğlu u lirua pas përfundimit të procedurave në Institutin e Mjekësisë Ligjore dhe në zyrën e prokurorit.
Gjatë hetimit, ekipet e Komandës së Xhandarmërisë Provinciale të Stambollit ndaluan emra të njohur të ekranit. Në një operacion të zhvilluar më 18 shtator, u arrestuan disa personazhe të famshëm, përfshirë aktorin Aras Bulut İynemli, këngëtarin Seyfullah Sağır (i njohur si "Sefo") dhe aktoren Melis Sezen. /LAPSI.al
