Pak ditë pasi komentatori Tucker Carlson njoftoi se po largohej nga Partia Republikane pas dekadash mbështetje, një tjetër emër i rëndësishëm braktis Donald Trump. Është Marjorie Taylor Greene që ka njoftuar se po largohej nga partia.
Ish-kongresmenja e Xhorxhias ishte një nga mbështetëset më të zjarrta të Trump , por që nga kthimi i tij në Shtëpinë e Bardhë në fillim të vitit 2025, ajo filloi gradualisht të distancohej prej tij, gjë që përfundimisht çoi në një ndarje të plotë.
Javën e kaluar, Carlson tha se nuk kishte “asnjë shans” që ai të mbështeste më Partinë Republikane. Ai vuri në dukje pakënaqësinë e tij në rritje me këtë parti, por e bëri të qartë se kjo nuk do të thoshte një zhvendosje majtas. “Nuk do ta mbështes Partinë Demokratike, nuk e di çfarë do të bëj”, shtoi ai.
Green, nga ana e saj, shprehu publikisht mbështetjen e saj për qëndrimin e Carlson. “Tucker nuk është i vetmi që ka pushuar së mbështeturi Partinë Republikane”, shkroi ajo në një postim në rrjetet sociale, duke shtuar: “KA SHUMË prej nesh që janë plotësisht të ngopur dhe nuk do të mbështesin një parti që tradhton votuesit dhe vendin e saj. Kjo nuk do të thotë që po bëhemi demokratë, por KAM MBARUAR me Partinë Republikane që e vendos Amerikën në vendin e FUNDIT.”
Kundërshtimet e Carlson dhe Green janë përqendruar në konfliktin me Iranin dhe dështimin, siç e shohin ata, për të pasur prioritet çështje si inflacioni.
Përçarja midis Green dhe Trump, siç vëren Guardian , u thellua pasi ajo kritikoi mënyrën se si qeveria trajtoi dosjet e pedofilit Jeffrey Epstein, gjë që e vuri në përplasje me Trump dhe figura të tjera në lëvizjen MAGA.
Trump më pas filloi ta quante atë "tradhtare" dhe ajo nga ana tjetër vendosi të mos kandidonte një mandat tjetër në Dhomën e Përfaqësuesve të SHBA-së në zgjedhjet e mesmandatit të nëntorit. ©LAPSI.al
