Një ngjarje e rëndë ka ndodhur në Golem ku disa persona kanë mbajtur të mbyllur punonjësit e Task Forcës së Drejtorisë së Përgjithshme të Tatimeve, brenda ambienteve të një resorti. Përmes një njoftimi zyrtar policia ka bërë me dije se në lidhje me këtë është arrestuar administratori dhe 4 punonjës të tjerë të resortit.
Konkretisht në pranga ranë administratori i resortit, shefi i financës, shefi i sigurisë, si dhe dy punonjës të sigurisë: Saimir Ndreca, Zaho Jaçaj, Artan Kasa, Hamid Sula, Bujar Agolli. Ata akuzohen për veprën penale “Heqja e paligjshme e lirisë”.
