Zendaya dhe Tom Holland thuhet se kanë organizuar një festë private me familjarët dhe miqtë e tyre, pasi u martuan në fshehtësi.
Sipas raportimeve, aktorët e filmit "Spider-Man: Brand New Day" pritën të ftuarit në hotelin luksoz Beaverbrook, në Surrey të Mbretërisë së Bashkuar. Për të ruajtur privatësinë, të ftuarve dhe stafit iu ndalua përdorimi i telefonave celularë gjatë gjithë ceremonisë.
Mediat amerikane raportojnë se çifti shpenzoi mbi 670 mijë dollarë për të rezervuar të gjithë kompleksin, i cili ndodhet pranë zonës ku Tom Holland është rritur.
Lajmet për martesën e tyre u përforcuan muaj më parë, kur stilisti i Zendayas, Law Roach, deklaroi se çifti ishte martuar tashmë në një ceremoni private.
Edhe vetë Zendaya nxiti spekulimet kur u shfaq me një unazë martese në vend të unazës së fejesës me diamant, ndërsa gjatë promovimit të filmit të tyre të fundit iu përgjigj me humor një fansi që i propozoi martesë:"Je shumë vonë!", tha ajo.
Edhe pse as Zendaya dhe as Tom Holland nuk kanë konfirmuar publikisht martesën, raportimet e fundit dhe festa private me të afërmit kanë shtuar bindjen se çifti tashmë i ka thënë "po" njëri-tjetrit.
