Lewis Hamilton duket se po shijon gjithnjë e më shumë jetën familjare pranë partneres së tij, Kim Kardashian, dhe katër fëmijëve të saj.
Gjatë një takimi me gazetarët përpara Çmimit të Madh të Formula 1 në Austin të Teksasit, piloti britanik foli hapur për kënaqësinë që i sjell koha e kaluar me fëmijët e yllit të reality show-t.
Hamilton tregoi se nipi dhe mbesa e tij i kanë sjellë gjithmonë shumë lumturi, ndërsa tani po përjeton të njëjtën ndjesi edhe me fëmijët e partneres.
“Fëmijët e së dashurës sime, më pëlqen të kaloj kohë me ta. Ajo ka katër, kështu që po argëtohem duke luajtur me këta fëmijë”, u shpreh ai.
Por surprizat nuk kanë munguar. Piloti zbuloi se këtë vit u ka dhuruar fëmijëve një qen, i cili tashmë është bërë pjesë e familjes.
“Ua mora një qen këtë vit. Halo tashmë është një anëtar i kësaj familjeje”, tregoi Hamilton.
Kim Kardashian është nënë e katër fëmijëve: North, Saint, Chicago dhe Psalm, të cilët i ka nga martesa e mëparshme me reperin Kanye West.
Sipas një burimi të cituar më herët nga revista People, Kim është shumë e kujdesshme për personat që lejon të afrohen me fëmijët e saj. Për këtë arsye, fakti që Hamilton po kalon kohë me ta shihet si një tregues i besimit që ajo ka ndaj tij.
Në muajin korrik, Kim ndau në rrjetet sociale disa fotografi nga një pushim familjar pranë një liqeni, ku shfaqej edhe Hamilton, së bashku me fëmijët e saj.
Edhe piloti britanik publikoi një fotografi me Kim-in dhe dy prej fëmijëve të saj, Chicago dhe Psalm, duke shoqëruar postimin me mesazhin: “Mbajini njerëzit tuaj pranë”.
