Franca po përgatitet për valën e saj të pestë të të nxehtit që nga qershori i kësaj jave, me 22 departamente të vendosura sot nën alarm portokalli të të nxehtit, transmeton Anadolu.
Shërbimi kombëtar i motit “Meteo-France”, lëshoi alarm portokalli të nxehtësisë për 22 departamente në të gjithë vendin pasi temperaturat parashikohen të afrohen deri në 40 gradë Celsius me ardhjen e valës së të nxehtit.
“Meteo-France” paralajmëroi se niveli i rrezikut nga zjarri do të mbetet i lartë në shumë departamente të hënën dhe të martën.
Vendi pritet të përjetojë valën e pestë të të nxehtit që nga qershori, me temperatura që pritet të rriten pothuajse në të gjithë vendin dhe herë pas here të kalojnë 40 gradë Celsius. Kulmi i valës së ardhshme të të nxehtit pritet në mes të javës, sipas transmetuesit BFMTV.
Ndërkohë që edhe e premtja pritet të jetë e nxehtë, temperaturat parashikohet të zvogëlohen. Të shtunën priten reshje shiu kryesisht në pjesët lindore të vendit, duke sjellë potencialisht lehtësim nga i nxehti.
