Argjentina është gjysmëfinalistja e katërt e Botërorit dhe të mërkurën në mbrëmje (ora 21:00) në Atlanta do të përballet me Anglinë në një përplasje që sjell ndër mend sfidat e mëdha të së kaluarës. Në çerekfinale, “Albiceleste” mposhti Zvicrën 3-1 pas kohës shtesë, në një ndeshje ku helvetët mbetën me 10 lojtarë në minutën e 72’ pas përjashtimit të Breel Embolo. Vendimtarë për argjentinasit ishin një gol spektakolar i Julian Alvarez dhe goli i fundit i Lautaro Martinez nga afër, që vulosi kualifikimin.
Gjatë 90 minutave të rregullta, Argjentina kaloi në avantazh pas vetëm dhjetë minutash lojë, kur Alexis Mac Allister shënoi me kokë pas një goditjeje nga këndi të ekzekutuar nga Lionel Messi. Barazimi i Zvicrës erdhi në minutën e 67’: një kombinim i bukur brenda zonës nxori në pozicion Dan Ndoye, i cili me një goditje diagonale mposhti Emiliano “Dibu” Martinez. Momenti që ndryshoi ndeshjen erdhi pesë minuta më vonë. Embolo u ndëshkua nga arbitri, pas rishikimit në VAR, për simulim. Kartoni i verdhë ndaj Leandro Paredes, i konsideruar fillimisht autor i faullit, u anulua, ndërsa Embolo mori kartonin e dytë të verdhë dhe la Zvicrën me një lojtar më pak.
Breel Embolo (Switzerland) has been sent off against with a second yellow card for diving after VAR Review against Argentina
by u/xggq in sports
Në kohën shtesë, Argjentina priti deri në minutën e 112’ për të thyer ekuilibrin, kur Julian Alvarez realizoi një gol të mrekullueshëm me goditje nga distanca. Më pas, Lautaro Martinez, i futur në lojë në minutën e 85’ në vend të Rodrigo De Paul, shënoi golin e tretë në minutat shtesë dhe mbylli përfundimisht llogaritë. Pas çiftit Francë–Spanjë, u përcaktua edhe gjysmëfinalja tjetër e Botërorit: Angli–Argjentinë.
Julian Alvarez scores a stunning goal to put Argentina ahead against Switzerland in extra time
by u/xggq in sports
