Ish-drejtori i Autoritetit Rrugor Shqiptar, aktualisht kreu i Hekurudhave, Ergys Verdho është paraqitur këtë të premte në Prokurorinë e Posaçme kundër Korrupsionit dhe Krimit të Organizuar.
Ai shoqërohet nga avokati i tij. Mësohet se Verdho është thirrur nga prokurori Dritan Prençi, i cili po heton dosjen "Balluku." Thirrja e tij vjen një ditë pas përshkallëzimit të akuzave të SPAK kundrejt ish-zv/kryeministres, e cila dyshohet tashmë edhe për korrupsion e pastrim parash, si dhe pas sekuestrimit të një vile në Dhërmi.
Kjo është hera e dytë që ai shkon në në Prokurorinë e Posaçme brenda pak ditësh. Më 21 maj ishte hera e fundit që ai u paraqit në SPAK, por pas daljes nga institucioni, ai nuk u prononciua për mediat.
