Nga foltorja e Kuvendit lideri i PD-së Sali Berisha kërkoi lirimin e menjehërshëm të protestuesve të ndaluar dhe ndëshkimin e atyre që përdorën dhunën ndaj tyre.
Duke u ndalur tek audiopërgjimi I publikuar nga Arben Ahmetaj Berisha tha se deputetët e maxhorancës janë bërë ushtarë të Padronit dhe Yeffet-it, “po i jepni paratë kompanisë së Edi Ramës”
Pjese nga fjala e Berishes
Kërkoj lirimin e menjëhershme të protestuesve të ndaluar dhe ndëshkimin e atyre që përdorën dhunën ndaj tyre.
Ju kërkoni të mbijetoni me dhunë policore, por ju jeni bërë figurat më të urryera në historinë e kombit shqiptar.
Ju mendoni se jeni të qetë, po u them unë ju, ai padrinoja juaj zvarritet çdo ditë zvarrë në bulevard dhe rrugët e Tiranës nga ata protestues.
Dhe hiqni dorë nga mbrojtja e tij.
Hiqni dorë nga mbrojtja e tij se si minj do u marrë në anijen e tij që po mbytet çdo ditë.
E paimagjinueshme skandali në të cilin dalin Rama, Lubia, Nufi...
A e kuptoni ç’u bëni shqiptarëve ju apo jo?
I jepni paratë kompanisë së Edi Ramës.
Blen automjetet, ku i blen dhe ku nuk i blen dhe shteti ia blen ato automjete me paratë tona.
A ka akt më të shëmtuar se ky?
A ka vjedhje më flagrante se kjo?
A keni ju interesin më të vogël njerëzor apo jeni ushtarë të Yeffet-it dhe Padrinos?
Si mund të heshtni ju para këtij fakti?
Kontrabandën e legjitimuat dhe bëjnë punët e pista të kryepisit.
Në qoftë se qeveria porosit punë të pista, kryepis është ai që porosit punët, dhe është kryeministri.
Si ka mundësi ta ndiqni ju këtë?
Si ka mundësi?
