Mesfushori i Inter, Henrikh Mkhitaryan, foli për mikrofonat e DAZN pas humbjes së zikaltërve në fushën e Juventus. Një analizë nga ana e armenit, por që i habiti të gjithë me një frazë. “E dimë që jemi të fortë dhe ndonjëherë relaksohemi me bindjen se sidoqoftë do të fitojmë”. Një mendim që nuk mund tan dash kur luan në fushën e rivalit të përjetshëm, ndeshje që përfundoi 1-0 në favor të ekipit të teknikut Thiago Motta, falë golit të Conceição në pjesën e dytë.
Juventus-Inter, analiza e Mkhitaryan
Pas humbjes ndaj Juventusit, në kampin zikaltër mbizotëronin zhgënjimi dhe zemërimi, dhe Lautaro Martinez u duk ndër më të irrituarit. “Është normale që Lautaro të jetë i zemëruar,” – shpjegon Mkhitaryan. – “Ne jemi një ekip që dëshiron të fitojë, dhe pas një pjesë të parë ku krijuam shumë raste por nuk i shfrytëzuam, është e kuptueshme të ndihesh i zhgënjyer.”
Lexo më tej: Conceiçâo vendos derbin e Italisë: Juventus i katërti me Lazion
“Në pjesën e dytë, Juve përmirësoi lojën e saj, ndërsa ne, duke pasur shumë besim dhe duke menduar se po luanim shkëlqyeshëm, ndoshta u shpërqendruam dhe kjo na dëmtoi. Kemi lejuar shumë hapësira, diçka që nuk duhet ta bënim. Nëse nuk i shfrytëzon rastet, e paguan me humbje. Unë flas për veten time dhe mendoj se ndoshta problemi është se, duke ditur që jemi shumë të fortë, ndonjëherë relaksohemi tepër dhe nuk futemi në ndeshje me përqendrimin e duhur, duke menduar se do ta fitojmë automatikisht. Dhe për këtë arsye, na kushton. Nuk është çështje fizike apo taktike, por ndoshta vetëdija që jemi të fortë na ndikon negativisht.” Versioni i pathyeshëm kundër Napolit? – “Shpresojmë,” – tha Mkhitaryan. – “Por më parë duhet të mendojmë për Genoa dhe Kupën.”
