Komisioni i Ankesave dhe Sanksioneve ka konfirmuar në detyrë kryebashkiakun e Mallakastrës, Qerim Ismailaj. Ditën e djeshme, Partia Demokratike ankimoi vendimin e KQZ, i cili i dha të drejtë të vazhdonte detyrën kryebashkiakut të Mallakastrës, pavarësisht faktit se kishte marrë një dënim në Greqinë fqinje.
Dje PD në ankimimin e saj tha se ky vendim i KQZ-së ishte në kundërshtim me ligjin. Kujtojmë se prej kohësh PD ka denoncuar faktin se Ismailaj kishte qenë i dënuar në Greqi, por nuk e kishte deklaruar atë në formularin e dekriminalizimit.
