Dibra është bërë kryefjala e ditës së fundit të fushatës zgjedhore përpara zgjedhjeve të 25 prillit. Pas incidentit me kandidatin demokrat në këtë qytet, Xhelal Mziu; forcat e rendit kanë arrestuan në flagrancë dy persona përkrahës të Partisë Socialiste, njëri prej të cilëve është juristi i bashkisë. Të dy personat akuzohen për korrupsion aktiv në zgjedhje. Ata u ndaluan nga banorët pranë Maqellarës me 5 milionë lekë (afro 5 mijë dollarë) në automjet, ku u gjetën edhe modelarë që orientojnë zgjedhësit në votim dhe fletëpalosje të Partisë Socialiste.
Krahas “korrupsionit aktiv në zgjedhje në bashkëpunim" ata akuzohen dhe për “përdorim të funksionit publik për veprimtari politike ose zgjedhore”.
