Mino Raiola mund të jetë kthyer në një nga menaxherët më të urryer në botë për mënyrën se si administron lojtarët e tij dhe kërkon vazhdimisht që t’u marrë sa më shumë para klubeve.
Por për Zlatan Ibrahimoviç, ai mbetet numri 1 pasi falë tij ka shëtitur në klubet më të mëdha në botë dhe është bërë një nga emrat më të njohur.
Të dy kanë një marrëdhënie të shkëlqyer me njëri-tjetrin dhe këtë e ka treguar më së miri postimi i fundit në rrjetet sociale i sulmuesit suedez, i cili nuk ka ngurruar të tallet me menaxherin.
Ai hodhi në Twitter një foto ku shfaqej i shtrirë në palestër, ndërsa Raiola e shkelte me këmbë në shpinë.
“Kur menaxheri yt mundohet të shtrydhë edhe centin e fundit nga ty…”, ishte komenti humoristik i Ibrahimoviç për këtë foto që ka bërë shumë shpejt xhiron e rrjeteve sociale, duke treguar raportin e veçantë që ka sulmuesi me menaxherin italian.
