Tensionet në Lindjen e Mesme po përshkallëzohen. Rebelët Houthi, të mbështetur nga Irani, pretenduan se kanë sulmuar dy cisterna nafte saudite në Detin e Kuq, ndërsa SHBA vijoi bombardimet ndaj Iranit për natën e 12-të radhazi.
Në të njëjtën kohë, Garda Revolucionare e Iranit njoftoi se ka ndaluar tre cisterna nafte që po përpiqeshin të kalonin nëpër Ngushticën e Hormuzit. Sipas Teheranit, anijet po lundronin pranë brigjeve të Omanit dhe dy prej tyre u tërhoqën pasi njëra u përfshi nga flakët. Irani nuk ka dhënë detaje për kohën e incidentit, por akuzoi SHBA-në se po orienton anijet të përdorin korridore të paautorizuara. Garda Revolucionare paralajmëroi se Ngushtica e Hormuzit mbetet nën kontrollin iranian dhe se çdo anije që kalon pa koordinim do të përballet me pasoja.
Ndërkohë, presidenti Donald Trump paralajmëroi bombardime të reja ndaj Iranit, ndërsa përshkallëzimi i konfliktit në Ngushticën e Hormuzit dhe Detin e Kuq po ushtron presion mbi çmimet globale të naftës.
