PSG triumfoi në finalen e Champions, duke mundur Arsenal me penallti. Luis Enrique ngre lart trofeun e tretë të Kupës me Veshë të Mëdhenj, të dytin me parisienët, ndërsa zhgënjimi mbetet për teknikun Mikel Arteta. Një ndeshje intensive, ku anglezët u kujdesën të mos pësonin, kjo edhe falë golit blitz të Havertz.
“Topçinjtë” kaluan në avantazh në minutën e 6’ me Havertz, i cili përfiton nga një top i devijuar pas aksionit të Trossard dhe mposht Safonov.
Zotërimi i topit në nivele të frikshme nga PSG (72%-28%) nuk ndihmoi shumë për të rivendosur ekuilibrat. Por inkursioni i parë i Kvaratskhelia në minutën e 65’, solli 11 metërshin e akorduar pas ndërhyrjes së ç\ekuilibruar nga Mosquera. Nga pika e bardhë Dembélé realizon një 1-1, që qendroi në fushë deri në minutën e 120'.
Te goditjet e penalltive, për Arsenal gaboi fillimisht Eze, por Raya rikuperoi menjëherë duke pritur 11 metërshin e Mendes. Fatal pastaj, në penalltinë e fundit, gabimi i Gabriel që goditi mbi traversë, duke i dhënë jetë festës së parisienëve.
