Një plagosje me thikë ndodhi mbrëmjen e kësaj të mërkure në Tiranë. Policia thotë se menjëherë pas marrjes së njoftimit për ngjarjen e ndodhur në rrugën “Marko Boçari” shkuan në vendngjarje për të sqaruar autorësinë dhe rrethanat e rastit.
I plagosur është K. C., 49 vjeç. Policia thotë se si rezultat i reagimit të menjëhershëm dhe veprimeve të shpejta hetimore e operacionale, u identifikua, u kap dhe u vu në pranga autori i dyshuar, shtetasi T. N., 50 vjeç.
"Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta. I dëmtuari ndodhet në spital, nën kujdesin e mjekëve. Materialet procedurale iu referuan Prokurorisë, për veprime të mëtejshme" - thuhet në njoftimin e policisë. /LAPSI.al
