Konflikti mes Izraelit dhe Libanit, vijon të jetë aktiv ndërsa sulme të shumta janë shënuar gjatë natës. Izraeli ka sulmuar sërish Libanin, ku të paktën 16 persona janë vranë, dy ditë pasi marrëveshja e paqes Iran-SHBA u nënshkrua nga Teherani dhe Uashingtoni. Mediat shkruajnë se ushtria izraelite tha se sulmoi Libanin jugor në përgjigje të shkeljeve të përsëritura të armëpushimit nga grupi militant Hezbollah i mbështetur nga Irani. Forcat Mbrojtëse të Izraelit thanë se sulmuan gjatë gjithë natës dhe vazhdojnë të godasin militantët dhe infrastrukturën e Hezbollahut në Libanin jugor.
Marrëveshja SHBA-Iran kishte për qëllim t'i jepte fund luftimeve në Liban midis Izraelit dhe grupit militant Hezbollah të mbështetur nga Irani. Sulmet vijnë disa orë pasi zëvendëspresidenti i SHBA-së JD Vance foli ashpër për anëtarët e qeverisë izraelite të cilët e kanë kritikuar Presidentin Donald Trump për marrëveshjen SHBA-Iran.
