Një kukull me tiparet e Kylian Mbappé u var dhe u dogj në një shesh të Paraguajit gjatë festimeve për shenjtin mbrojtës San Juan Bautista, epilogu shqetësues i përplasjeve të ashpra verbale të shkaktuara nga deklaratat e senatores Celeste Amarilla kundër sulmuesit francez. Parlamentarja e fyeu rëndë futbollistin në rrjetet sociale, duke e quajtur “të paaftë të shkruajë” dhe duke pohuar se “në vend të qumështit të nënës, kur ishte fëmijë pinte nga arrat e kokosit”.
Ajo që ndezi zemërimin e një pjese të popullsisë vendase, e cila ndoqi dhe filmoi djegien mes të qeshurave të përgjithshme, duket se ishte sjellja e konsideruar arrogante e yllit francez gjatë ndeshjes së fundit të 1/8-ave të Botërorit, në të cilën Franca eliminoi pikërisht kombëtaren e Paraguajit.
