Rrugëtimi i Brazilit në Botëror përfundoi në fazën e 1/16-ve të finales kundër Norvegjisë, ku Neymar shënoi golin e vetëm të tij në turne, por vetëm pak ditë pas zhgënjimit nga eliminimi ai e kishte lënë pas atë moment. Një javë më vonë braziliani u shfaq në një turne pokeri dhe menjëherë pas kësaj i bëri vetes një dhuratë luksoze: së fundmi i është dorëzuar një superjaht me vlerë 19 milionë euro, i pagëzuar Enejota (një emër i krijuar nga inicialet e lojtarit), i cili ka bërë bujë mes tifozëve për madhështinë e tij.
Sipas revistës braziliane Nautica, e specializuar në sektorin detar, mjeti lundrues është 46 metra i gjatë dhe ofron të gjitha komoditetet e mundshme, duke nisur nga gjashtë suitat që mund të presin mysafirët gjatë lundrimit. Neymar vendosi t’i bëjë vetes këtë dhuratë të çmuar pavarësisht eliminimit të Brazilit dhe polemikave që pasuan, duke vazhduar të jetë në qendër të vëmendjes për gjithçka bën jashtë fushës.
Neymar recebeu na manhã desta segunda-feira (13) em Angra dos Reis, RJ, o seu novo superiate.
— LIBERTA DEPRE (@liberta___depre) July 13, 2026
Avaliado em R$ 150 milhões o "Enejota" é uma das embarcações mais luxuosas do Brasil.
📽️naldinho_marinheiro pic.twitter.com/NCEUXq74BT
Si është ndërtuar jahti luksoz i Neymar
Ai nuk ka kursyer aspak dhe ka zgjedhur më të mirën që ofronte tregu. Enejota kushton 19 milionë euro dhe është një jaht luksoz 46 metra i gjatë, që brenda nuk ka asgjë për t’u pasur zili rezidencave më luksoze. Ai është i përshtatshëm për udhëtime të gjata detare duke ofruar komoditet maksimal dhe mund të akomodojë shumë persona, pasi disponon gjashtë suita luksoze të shpërndara në 800 metra katrorë. Neymar nuk ka lënë mangët asnjë detaj, pasi jahti ka edhe një heliport, që garanton lëvizje të shpejta dhe komode.
Sipas revistës së specializuar, ai është projektuar nga arkitekti Fernando Almeida, i cili ka transformuar një mjet pune në një jaht luksoz të tipit explorer, të menduar edhe për lundrime të gjata. Ai është i pajisur me katër motorë Caterpillar me nga 1.450 kuaj fuqi secili dhe mund të arrijë një shpejtësi prej 37 km/h. Neymar dhe familja e tij po e shijojnë tashmë perlën e re, e cila është inauguruar me një tur përgjatë Brazilit: u nis nga Fortaleza, bëri ndalesë në Recife dhe do të mbërrijë në shtetin e Rio de Janeiros, ku do të ankorohet pranë vilës ku jeton braziliani.
