Sekretariati për Procedurat, Votimet dhe Etikën në Kuvendin e Shqipërisë mblidhet sot në orën 09:30 për të shqyrtuar kërkesën e 13 deputetëve të grupit parlamentar të Partisë Socialiste për marrjen e masave disiplinore ndaj deputetit Agron Shehaj. Në mbledhje pritet të diskutohet kërkesa e socialistëve për procedurat që duhet të ndiqen ndaj deputetit Shehaj, sa i përket rastit kur ai u largua me vrap nga Kuvendi me dokumentin e klasifikuar të marrëveshjes me SHBA-në.
Në kërkesën e tyre, 13 deputetët e PS kanë kërkuar që çështja t’i referohet menjëherë edhe SPAK-ut. Shqyrtimi në Sekretariatin për Procedurat, Votimet dhe Etikën vjen pas debatit të krijuar në Kuvend dhe pretendimeve të ngritura nga deputetët socialistë lidhur me veprimet e Agron Shehajt.
