Gjatë së mërkurës u raportuan 25 vatra zjarri në vend. Tetë prej tyre mbeten aktive. Situata më e vështirë paraqitet në Riban dhe Ngraçan të Mallakastrës. Flakët janë përhapur në masivet me pisha, të favorizuara nga era. Forcat zjarrfikëse nuk kanë arritur t’i izolojnë plotësisht vatrat. Ndërhyrja nga ajri pritet të rifillojë mëngjesin e sotëm. Në Riban u angazhua për herë të parë edhe avioni zjarrfikës “Air Tractor AT-833”. Në operacione morën pjesë gjithashtu helikopterët e Forcës Ajrore dhe droni Bayraktar.
Vatra aktive ka edhe në Elbasan, Libohovë, Dropull dhe Dibër. Sipas autoriteteve, zonat e banuara nuk janë aktualisht në rrezik. Ndërkohë, zjarri në Penkovë të Selenicës është shuar plotësisht. Flakët dogjën dy hektarë pyll me pisha dhe 40 automjete të braktisura
