Një 24 vjeçar nga Kosova ka rënë në prangat e policisë së Durrësit për shkak se akuzohet se ka ndihmuar një tjetër person po nga Kosova për të kaluar ilegalisht kufirin. 24-vjeçari i siguroi bashkëkombasit të tij një pasaportë false dhe leje qëndrimi zviceriane me qëllim kalimin drejt vendeve të BE-së.
Sipas policisë i arrestuari është F.A 24-vjeç, ndërsa akuzohet se ka ndihmuar të kalojë kufirin në mënyrë të paligjshme shtetasin kosovar A. G., 28 vjeç. Materialet i kaluan Prokurorisë së Rrethit Gjyqësor Durrës, për veprime të mëtejshme.
