Flamurtari ka lënë Vlorën sot për të kryer fazën përgatitore, në vigjilje të kampionatit, por me skuadrën e Ilir Dajës janë edhe dy blerje të reja: Agustin Torasa dhe Elton Kale që e bëjnë ofensivën kuqezi ndër më të kompletuarat e Superiores.
Argjentinasi që la shenjë tel Partizani dy vjet më parë është afrimi më i fundit në Vlorë dhe është konfirmuar edhe firma me Flamurtarin. Torasa është kërkuar nga tekniku Daja, bashke me Kale që gjithashtu ka firmosur për kuqzinjtë, për të bërë të funksionojë Tomislav Busic. Sezonin e kaluar kroati nuk mundi të shfrytëzojë potencialin e tij dhe Daja mendon se problemi ka qenë pikërisht mos furnizimi i shtatlartin me rifinitura.
Largimi i Danilo Alves ka bërë që vlonjatët të mbeteshin zbuluar në ofensivë, ku ardhja e Kale, ish-Kukësi, e Torasës i japin zgjedhje pafund teknikut, duke qenë se të dy mund të luajnë edhe të tërhequr në mesfushë.
Dy futbollistët e cojnë numrin e blerjeve të Flamurtarit në 5, pas Idriz Bathës, Blerim Kotobellit dhe portierit Enea Koliçi, por sipas drejtuesve të klubit kuqezinjtë do të bëjnë edhe dy goditje të tjera në merkato.
Ekipi i drejtuar nga Ilir Daja është zhvendosur sot në Karpenisi të Greqisë, për zhvilimin e fazës përgatitore. gjatë periudhës dy javore, Flamurtarit ka programuar gjithashtu edhe dy teste miqësore që do ti shërbejnë Dajës për të kuptuar limitet e skuadrës.
