Në një përgjigje për ndjekësit në Truth Social, Presidenti Trump ka deklaruar për Chris LaCivita se ai është konsulent i tij i jashtëm dhe nuk punon për të. Presidenti Trump tha se do t'i pushonte menjëherë këshilltarët e tij, Chris LaCivita dhe James Blair "nëse ka konflikt", pas një raportimi të New York Times se dy operativët politikë kishin vizituar territorin boshnjak të Republikës Sërpska.
“Chris LaCivita dhe James Blair janë konsulentë të jashtëm. Ata nuk punojnë për mua, përveçse si konsulentë të jashtëm. Me shumë gjasa kanë klientë të shumtë, por për këtë do t'ju duhej t'i pyesnit ata. Atyre u lejohet të punojnë për të tjerë, ashtu si të gjithë konsulentëve në Uashington, D.C. Nuk e kam idenë se për kë tjetër punojnë, por, pasi e mendova më mirë, do t'i pyes dhe, nëse ka konflikt, do t'i pushoj, menjëherë! Faleminderit për vëmendjen ndaj kësaj çështjeje. Presidenti DONALD J. TRUMP”, shkruan Trump në Truth Social.
New York Times raportoi të martën se LaCivita dhe Blair kishin vizituar territorin në Bosnjë-Hercegovinë përpara zgjedhjeve që mbahen atje të dielën. Trump i kishte caktuar të dy të drejtonin operacionet e fushatës përpara zgjedhjeve të mesmandatit në SHBA më 3 nëntor.
