E trishtë/ Robert Aliaj humb të vëllain: Në kohë kolerash jemi të detyruar të mbajmë hidhërimin brenda nesh

Xing

E Mërkurë 13 Janar 2021, 10:10 / Kategoria Lajmet e fundit / 

Robert Aliaj ka humbur ditën e sotme të vëllain, Rexhep Aliajn, i cili ka qenë një prej piktorëve dhe skenografëve të njohur të kohës. Lajmin e hidhur e ka bërë të ditur vetë Roberti me një postim në rrjete sociale ku shprehet se në këto kohë të vështira të krijuara nga pandemia, janë të detyruar të mbajnë hidhërim brenda në shpirt.

“Kur ndërrojnë jetë prindërit, thuhet se ke humbur të kaluarën. Kur ndërron jetë bashkëshorti, ke humbur të tashmen. Per fëmijët nuk guxoj të shkruaj. Kur ndërron jetë vëllai / motra, ke humbur një pjesë të së kaluarës, të tashmes dhe të ardhmes.

Thonë se dashuria nuk vdes kurrë, dhe kështu, mbase, as të dashurit nuk vdesin?

R.I.P. vëllai im Rexhep Aliaj në këto kohë kolerash ku jemi të detyruar të mbajmë hidhërimin brënda nesh si një parazit të pështjelluar në thelbin e shpirtit. Ne do të vazhdojmë, por nuk do të jemi kurrë më njësoj”, ka shkruar Roberti.

MOTI NE TIRANE