Reshjet e shiut kanë përfshirë mesditën e sotme qarkun e Elbasanit, të shoqëruara me erë të fortë dhe rrebeshe në disa zona. Pavarësisht motit të keq, akset kombëtare vijojnë të jenë të hapura për qarkullim. Problematika kryesore u regjistrua në kthesat e Dragostunjës. Rreth orës 14:00 pati rënie inertesh dhe aluvionesh në rrugë, duke shkaktuar vetëm ngadalësim të trafikut.
Ndërkohë, në fshatin Sinaballaj të Peqinit është shembur një urë tip “Bailey”, pa shkaktuar dëme në njerëz apo mjete. Shembja është shkaktuar nga kalimi i mjeteve të tonazhit të rëndë gjatë natës. Si pasojë, është bllokuar qarkullimi për disa fshatra të Peqinit dhe zona të Rrogozhinës, ndërsa autoritetet po punojnë për krijimin e një kalimi të përkohshëm.
