Tirana ka hyrë në një fazë ku çmimet po rriten shumë më shpejt të ardhurat e shumicës së banorëve të saj duke e shndërruar në sfidë jetën për një pjesë të madhe prej tyre.
Të dhënat e platformës Numbeo, një barometër digjital që mbledh informacion në kohë reale për kostot e jetesës në mbarë botën, tregon se çmimet e qirave dhe disa artikujve të shportës janë rritur me rreth 60 për qind në pesë vitet e fundit.
Qiratë në 5 vite u rriten me 59%
Në pesë vitet e fundit, sektori i qirave në Tiranë ka rritja të shpejtë të çmimeve, duke u shndërruar në barrën kryesore financiare për familjet dhe të rinjtë profesionistë.
Sipas statistikave të Numbeo, qiraja mesatare për një apartament me një dhomë gjumi (1+1) në qendër të qytetit ka kërcyer nga niveli prej 41,835 lekësh në vitin 2021 në një mesatare prej 66,656 lekësh në vitin 2026 me rritje prej 59% shumë herë më e lartë se ndryshimi real i pagave për të njëjtën periudhe.
Kjo rritje shpjegohen disi me kërkesën e lartë nga të huajt dhe turistët, si dhe rritjen e vlerës së pronës në tregun imobiliar, duke e bërë jetesën në zemër të Tiranës gjithnjë e më i vështirë për t’u përballuar.
Shtrenjtimi i Shportës
Përveç strehimit, qytetarët po përballen me rritje të fortë të artikujve të shportës, ku produktet bazë kanë pësuar rritje të shpejtë. Të dhënat e Numbeo tregojnë se ushqimet themelore si vezët dhe orizi janë shtrenjtuar shumë. konkretisht, 12 kokrra vezë nga 204 Lekë që kushtonin pesë vite më parë, sot tregtohen për 318 Lekë, me rritje prej 56%, ndërsa një kilogram oriz i bardhë ka shkuar nga 129 në 199 lekë, duke u rritur me 54%.
Kjo krizë e çmimeve shtrihet edhe në shërbimet e restoranteve, ku kostoja e një vakt në një restorant ekonomik është rritur me 31%, nga 611 në 2021 në 800 Lekë në 2026. Ndërsa rituali i përditshëm, kafeja ose kapuçino kushtojnë sot 28% më shumë.
Ky shtrenjtim i kombinuar i produkteve bazë dhe shërbimeve tregon se inflacioni ka depërtuar thellë në të gjithë strukturën e konsumit në kryeqytet që nga mallrat e shportës, dhe produktet e tjera që nga argëtimi tek pajisjet shtëpiake dhe vetë banesat.
