Një aksident me dy automjete ka ndodhur mbrëmjen e sotme në autostradën Fier–Lushnjë, pranë fshatit Bishqethëm. Në përplasje u përfshinë një mjet tip “Golf” dhe një “Opel”, të cilat pas kontaktit me njëra-tjetrën dolën dhe u përplasën me barrierat anësore të autostradës. Fatmirësisht, nga aksidenti nuk pati persona të lënduar rëndë. Katër personat që ndodheshin në automjete kanë shpëtuar vetëm me dëmtime të lehta.
Sipas dyshimeve paraprake, shkak i përplasjes mund të ketë qenë një manovër e gabuar gjatë parakalimit, çka solli humbjen e kontrollit të mjeteve nga drejtuesit. Policia rrugore mbërriti në vendngjarje dhe hapi trafikun e rënduar disa minuta pas aksidentit.
