Neymar rreh në stërvitje djalin e Robinhos: e turpëroi me një driblim të ndaluar

Ka telashe të reja në horizont për Neymar, i cili është akuzuar zyrtarisht për agresion nga Robinho jr. Djali i ish-futbollistit brazilian ka paraqitur një denoncim te Santos pas stërvitjes së fundit, ku pretendohet se është fyer dhe goditur me shuplakë nga O’Ney, madje duke kërcënuar edhe me prishjen e kontratës pasi nuk do të kishte kushtet e nevojshme për të punuar në siguri. Sipas asaj që raporton Globo, sherri ka ndodhur gjatë seancës stërvitore të planifikuar për dje në mëngjes: aty do të kishte ndodhur diçka mes të dyve, me Robinho jr që ka akuzuar Neymar se fillimisht e ka fyer dhe më pas e ka goditur me shuplakë, siç shkruhet në dokumentin e paraqitur te klubi. Sipas asaj që filtron nga burime brenda klubit, Robinho Jr e ka dribluar gjatë stërvitjes në mënyrë flagrante dhe, atë lëvizje të bërë nga djaloshi, Neymar e ka marrë si provokative duke reaguar me egërsi.

Nota oficial do Santos sobre o caso Neymar x Robinho Jr.

“O Santos FC informa que por determinação da presidência foi instaurado, logo após a ocorrência dos fatos, processo de sindicância interna para analisar o episódio que envolveu os atletas Neymar Jr. e Robson de Souza Jr… pic.twitter.com/GH7owr1axZ — Diário de Torcedor (@DiarioGols) May 4, 2026

Çfarë ka ndodhur mes Robinho jr dhe Neymar

Akuzat e bëra nga djali i ish-lojtarit janë mjaft të rënda, ashtu si edhe kërcënimi për të zgjidhur menjëherë kontratën për të gjetur një skuadër tjetër ku të luajë. Sipas rindërtimit të 18-vjeçarit, Neymar fillimisht ka “artikuluar fyerje ofenduese”, e ka penguar duke i vënë këmbën dhe më pas i ka dhënë “një shuplakë të fortë në fytyrë”, siç raportohet fjalë për fjalë në dokumentet e parë nga gazeta braziliane. Ai i ka dhënë Santos-it 48 orë kohë për të marrë katër masa, pra për të nisur një hetim, për të siguruar pamjet e stërvitjes, për të komunikuar masat e marra dhe për të caktuar një takim për të diskutuar të ardhmen. Nëse kjo nuk ndodh, atëherë rasti do të përbënte “shkelje të besimit kontraktual” dhe sipas avokatëve të Robinho jr mund të çojë edhe në zgjidhje të njëanshme të kontratës. Klubi ka hapur një hetim për të kuptuar çfarë ka ndodhur, duke e komunikuar me një njoftim në faqen zyrtare pa shpallur masa të tjera.