Emiratet e Bashkuara Arabe njoftuan për sulme të reja iraniane me raketa dhe dronë, në pjesë të ndryshme të vendit të martën pasdite.
Siç raportojnë autoritetet zyrtare, “sistemet e tyre të mbrojtjes ajrore po përballen aktualisht me sulme me raketa dhe dronë që vijnë nga Irani”.
“Ministria e Mbrojtjes konfirmon se zhurmat e dëgjuara në pjesë të ndryshme të vendit janë për shkak të përgjimit të raketave balistike, raketave lundruese dhe dronëve nga sistemet e mbrojtjes ajrore të Emirateve të Bashkuara Arabe”, tha ministria për X.
Dje, Emiratet e Bashkuara Arabe raportuan se katër dronë nga Irani u nisën drejt vendit, asnjëri prej të cilëve nuk i goditi objektivat e tyre, pasi tre u rrëzuan dhe një ra në det.
Pak më vonë, u raportua se një “zjarr i madh shpërtheu” në një objekt nafte në Fujairah, në Emirate, pas një sulmi nga një dron iranian.
Raportet tregojnë se tre indianë u plagosën dhe ndodhen në spital pa asnjë rrezik për shëndetin e tyre.
