Policia e Durrësit ka sekuestruar pamjet filmike të aksidentit të rëndë që ndodhi mesditën e së dielës në zonën e ish-Kënetës në Durrës ku mbetën të vdekur 2 djem të moshës 10 vjeç dhe u plagos një tjetër 8 vjeç, të cilët po luanin në trotuar.
Policia ka marrë filmimet e kamerës së një biznesi pranë vendngjarjes ku ndodhi aksidenti në lagjen nr.15, ku automjeti që drejtohej nga Nikoll Radaçi, me shpejtësi skëterrë ka përplasur 3 djemtë që po luanin me top dhe i ka marrë zvarrë përpara.
Sipas informacioneve të banorëve, 2 prej fëmijëve ishin vëllezër, ku njëri ka ndërruar jetë në vend bashkë me kushëririn dhe tjetri 8 vjeç ndodhet në spitalin e Traumës, në gjendje të rëndë.
[video width="624" height="360" mp4="https://cdnimpuls.com/lapsi.al/wp-content/uploads/2026/05/50d552e7cf9b690b1715782351b516a5.mp4"][/video]
