Një 20-vjeçar është arrestuar nga policia në Vlorë, pasi dyshohet se ka vjedhur një motomjet në një prej lagjeve të qytetit. Ngjarja u regjistrua një ditë më parë, rreth mesditës, në lagjen “28 Nëntori”, ndërsa i riu me inicialet V.M. u lokalizua dhe u kap në zonën e “Ujit të Ftohtë”.
Gjatë kontrollit, efektivët i gjetën një përforcues metalik grushti, i cili u sekuestrua si provë materiale. Po ashtu, u bë e mundur edhe gjetja e motomjetit të dyshuar si i vjedhur. Dosja i është referuar Prokurorisë së Vlorës, ndërsa ndaj 20-vjeçarit rëndojnë akuzat për “vjedhje” dhe “mbajtje pa leje të armëve të ftohta”.
